नेपाल शेर्पा बिद्यार्थी संघ ओखलढुंगाले चैत २७ गते शुक्रबार खुल्ला पालिका दोस्रो मिनि म्याराथुन आयोजना गर्ने भएको छ।स्वस्थ्यको लागि खेलकुद,पर्यटनका लागि खेलकुद र राष्ट्रियताका लागि खेलकुद भन्ने मुल नाराका साथ म्याराथुन तथा वृहत् सास्कृतिक कार्यक्रम गर्न लागिएको संघले जनाएको छ।नेपाल शेर्पा बिद्यार्थी संघ ओखलढुंगाको आयोजनामा खुला स्थानीय हुने भएको हो ।
खिजिदेम्बा गाउँपालिका वडा नं. ५ खिजिफलाटेबाट सुरु हुने १२ किलोमिटर पालिका मिनि म्याराथन प्रतियोगिता चुप्लुङ भञ्ज्याङ,थोलेदेम्बा,रामदिङ गोमासे ताउर,चुप्लुङ भञ्ज्याङ,हुँदै खिजिफलाटे बजार आएर सम्पन्न हुने अध्यक्ष फुरी शेर्पाले जानकारी दिए ।
खेलकुदबाट पर्यटन प्रवर्द्दन गर्ने उद्देश्यका साथ दौड प्रतियोगिता आयोजना गरिएको शेर्पाले बताए । प्रतियोगिता चैत २७ गते शुक्रबार बिहान सुरु भई सोही दिन सकिनेछ । प्रतियोगितामा दुई सय भन्दा बढीको सहभागिता रहने अपेक्षा गरिएको छ ।
म्याराथन प्रतियोगितामा प्रथम,द्धितिय,तृतीय र सान्तवना स्थान प्राप्त गर्ने धावकहरु महिला,पुरुष दुवैतर्फ क्रमशः तीस हजार ,विस् हजार ,दश हजार नगद पुरस्कार,मेडल तथा प्रमाणपत्र प्रदान गरिने आयोजकले जनाएको छ ।